चम्बा बिटी 5 किमी अगाडि ऋषिकेश रोड पर जै तैं ,एक गौं पडदु नौ शायद आप लोगोन सूणयूं होलु।
नौ छ "साबली"।
साबली गौं मजी वन 90% बहुगुणा परिवार छन, पर यख कुछ मवासा भट्ट,बडोनी,पयाल अर खणका भी निवास करदन।
साबली गौं चम्बा अर नागणी का बीच म पडदु। U शेप की पहाड़ी मजि बस्यां ये गौं की पहाड़ी पर मां भगवती पुण्ड्यासिनी कु सुंदर मनमोहक मंदिर छ।
पुण्ड्यासिनी मां
आज मां पुण्ड्यासिनी का मंदिर मजि चैत्र मास की हरियाली पड़ी,अब अगले नौ दिन तक यख पूजा अर्चना,ध्यान,सत्संग,हवन इत्यादि कार्यक्रम होला। 13 तारिक कु हरयाली कटली, गौं का ही गणमान्य व्यक्ति श्री संजय बहुगुणा जी द्वारा भंडारा कु आयोजन भी छ।
यु मंदिर भमोरधार नाम की एक धार मजि स्थित छ, मंदिर का चारों तरफ घनु जंगल छ जै मजि मुख्य रूप से बांज बुरांश देवदार अर क्वलैं का डाला छन।
चम्बा बिटी यु मंदिर साफ दिखे जांदू अर यख बिटी चम्बा बि साफ दिखे जांदू।
पुण्ड्यासिनी मंदिर की दर्शन यात्रा की एक सुंदर वीडियो देव बहुगुणा,सुमित बहुगुणा अर प्रेम बहुगुणा द्वारा बनाए गए। आशा छ आप तैं पसंद आली।
वीडियो
दोस्तों चम्बा उत्तराखंड पेज पर हमारू प्रयास छ की हम यख का आसपास की संस्कृति तैं सरंक्षित रखला।
अगर आप का आसपास बि कुई यनि मनोरम जगह छ त हम तैं अवश्य बतायां।
हमारू गढ़वाली मजि लिख्यां ये आर्टिकल का बारा म आपकी की राय छ, हम सनि जरूर बतान।
धन्यवाद।
सराहनीय प्रयास आप लोगु द्वारा |
ReplyDeleteधन्यवाद।
ReplyDeleteबहुत खूब भैजी
ReplyDeleteBhut sundar jay mata di..
ReplyDeleteबहुत सुंदर��
ReplyDeleteThis comment has been removed by the author.
ReplyDeletehttps://sablivillage.blogspot.com/2018/07/pudrikakshni-mata-at-sabli.html
ReplyDelete